نتائج مسابقه البراري الشعريه

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

جائزه مسابقه البراري

الجائزة الاولى 1000 ريال مع درع يحمل عبارة شاعر شبكة البراري لعام 1430 هـ و1000 رسالة SMS مقدمة من تواصل نت

وكانت الجائزه من نصيب

الشاعر :فهد المفرج

والف مبروووووووووووووووووووووووووووووووك

اقتباس:

المشاركة الأصلية كتبت بواسطة فهد المفرج

يابجادلاتنشدعن الحال يابجاد

حالي كما طيرٍ عديم الهدادي
يبغاالهددومقيدينه بالاقياد
سبعة شهورٍحالته في ترادي
تصخف له قلوب النشاما والاجواد
يبكي على ايام الهدد والبرادي
يا طير لا تبكي ترى النوح ما فاد
اصبر وصبرك لا يجي له نفادي
لا بد من يوم ٍ يجي فيه ميعاد
اما وعدنا صبح والا هجادي
مع خوة ٍ معهم شغاميم الاولاد
اهل الفعول الطيبه والمبادي
ويقال زل القيظ وسهيل منقاد
يضوي جنوب الدار ما نيب غادي
يا القيظ لا عاد المحل منك لا عاد
ما شفت منك الا الشقا والنكادي
لا نيب منشود ٍ ولانيب نشاد
وضعي على ذا الحال ما هوب عادي
دمعي على خدي مجاويز وافراد
لا ياسموم القيظ نكدت زادي
لا عيشة ٍ تسوى ولا راتب ٍ زاد
حرمتني من روحتي واجتهادي
وين انت يا عشب الفلا مثل الاطواد
ظني شواك القيظ شوي الجرادي
وين الغدير اللي ورى الضلع من غاد
جف الغدير وهاك علم ٍ وكادي
يا القيظ وش سويت فينا كذا عاد
تقلب بياض ايامنا للسوادي

الجائزه الثانيه700ريال مع درع يحمل عبارة شاعر شبكة البراري لعام 1430 هـ و1000 رسالة SMS مقدمة من تواصل نت

وكانت من نصيب

الشاعر :معدي المرقاب

والف مبروووووووووووك

اقتباس:

المشاركة الأصلية كتبت بواسطة معدي المرقاب

يابجاد لاتنشد عن الحال يابجاد **** حالي كما طير (ن) عديم الهدادي

يبغا الهدد ومقيدينه بالاقيــاد **** سبعة شهور(ن) حالته في ترادي

طول عليه القيض ماعنه نشاد= = يبي الفرج من عند رب العبادي

وقامت هبوب الصيف تومي بالاعواد= = اول دلايلها ليال الحصادي

وجتنا سموم القيض سم للاكباد= = لهيبها يشوي الدبا والجرادي

واللي من الله مالنا عنه محياد= = هذي مقادير الولي يوم ارادي

وانا ليا شفت السماء حرها زاد= = وقامت عواصفها صباح وهجادي

جهزت جيب للمشاوير معتاد= = وقمت اتمشى في مناطق بلادي

ماني مسافر يم لندن وبغداد= = لوكان لندن تشتـــــهر بالبرادي

داربعيد ولالنا فيه مقعاد= = تقـــعد لهلـــها جـــعلها للنفــادي

والجايزه يبجاد من عند الاجواد= = يازنها لاجات من كف(هادي)

وصلاة ربي عد مادن رعاد= = على النبي الهاشمي خير هادي

وحظ اوفر للا خوان الذين لم يحافهم الحظ

ملاحظه : التكريم سوف يكون في اقرب اجتماع لادارة البراري

نتائج مسابقه البراري الشعريه 1_1216388057

الإثنين	الثلاثاء	الأربعاء	الخميس	الجمعة	السبت	الأحد
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30