مواقف مررررررررررة مضحكة قد حصلت فعلا.........ادخل وفك ضحك

مواقف طريفة قد حصلت فعلا
كنت فى احد محلات الحلويات الشهيرة ودخل ثلاثة شباب وكانوا جوعى جدا ونظروا الى قائمة الأسعار فوجدوا هريسة ثم بسيمة ثم--ثم كابتشينوا ثم قهوة وهكذا. المهم انهم افتكروا ال كابتشينوا على انه أكل وبعدين سألوا بعضهم كل واحد حياخذ كام كابتشينو ؟ واتفقوا كل واحد ياخد ثلاثة ودفعوا الفلوس وواقفين مستنيين الأكل لأقوا الراجل بيحط تسع فناجيين والسكر والكابتشينو وبدأوا فى الإنفعال إيه يا عم ده؟ احنا عاوزيين ناكل! فين الكابتشينو بتاعنا؟؟ واتلمت الناس عليهم وكان يوم وفى النهاية كل واحد فيهم شرب التلاتة كابتشينو بتوعه .

[color=#0099ff]في مرة كنت متفق أنا وخطيبتي إننا نخرج، المهم قعدت منتظرها لغاية مالاقيت واحدة لابسة طقم شيك وحاطة بيرفيوم يجنن، المهم فضلت ماشي وراها أعاكس فيها لغاية ماتدورت وكانت لسة هتشتم لاقيته التعيس خطيبها، اللي هو أنا بس الحمد لله أنها معملتهاش خناقة وأنا قولتلها أنا كنت عارف إنك إنتي من الأول بس كنت عاوز أشوفك هتعملي إيه وأنا من جوايا باحمد ربنا أنها مشكتش في كلامي.

دي قصة حصلت لاتنين صحابي اخين كانوا واقفين على محطة الترام و مستنيين الترام فجأة سمعوا صوت ضعيف بيستغيث "اه اه الحقوني اه اه" راح صحابي باصين لقوا حمار واقع على الأرض و الصوت طالع منه تاني الصوت ظهر "الحقوني الحقوني اه اه صحابي" وقفوا مشدوهين "الحمار بيتكلم يا رجالة" و بيستغيث و من فرط ذهولهم كانوا متسمرين في مكانهم. هب و طلع الموضوع عربية كارو و اتقلبت بالحمار فوق الراجل و كان الراجل مش بايين من الحمار الي فوقيه و صحابي الي افتكروا ان الحمار اتكلم يا رجالة كان شكلهم تمام.

[SIZE=5]مرة وانا صغيرة كان بابا عازم مدير المصلحة اللى بيشتغل فيها على الغدا عندنا وللاسف المية قطعت فى اليوم ده فلما أكلو اضطرينا عشان يغسلوا ايديهم اننا نبلهم بأى حاجة فبابا قالى تعالى انتى وصبى للناس تغسل ايديها فجه ساعتها المدير اللى هيبدأ ويغسل ايديه وبعدين وانا بصبله كده لقيته راح مطلع حاجة من بقه لقيتها طقم سنان طبعا انا مكنتش اعرف رحت اول ما شفته خلعه وطلع فى ايديه صرخت ورميت الكوز فى وش الراجل وجريت اقول " الحق يابابا الراجل خلع سنانة مرة واحدة الراجل سنانة وقعت الحق يابابا " واعيط ومرعوبة طبعا بابا مات على نفسه من الضحك وكلهم ضحكو عليا بس انا كنت مرعوبة موت واقتنعت بالعافية ان ده حاجة بتتركب فى البق عشان يعرف ياكل بيها ولسة فاكرها ليا لغاية دلوقت الراجل ده وكل ما يكلمنى يفكرنى بيها.

الحكايه انى كنت اقوم بزياره صديق لى فى كليه طب بطرى جامعه القاهره..وبعدين واحنا فى الكليه لمحت بنت اموره اوى وماسكه البالطو فى ايدها فحبيت انى اتعرف عليها فصاحبى نصحنى انى ما احاولش لانها ما بتكلمش حد خالص ...المهم قلت له انا هاحاول وبعدين رحت قربت منها وقلتلها لو سمحت يا دكتوره انا والله مش جاى اغلس عليكى .انا واقع فى مشكله كبيره ومفيش غيرك ممكن يحلها لى ..فالبنت ححست بالصدق فى كلامى فوضح الاهتمام على وجهها وقالتلى قول فيه ايه..فقولتلها انا عندى مشكله صعبه اوى انى وانا نايم ذيلى بيتهز فاعمل ايه...قامت ابتسمت ابتسامه لذيذه قوى اوى وقالتلى بسيطه .........غير الزريبه اللى انت بتنام فيها.

مره انا وخالي كنا قاعدين نتفرج على التليفيزيون فشويه كده وانا سارح في برنامج الموبايل رن فقام خالي قايلي كلم بسرعه يا خالد فمسكت الموبايل وقعدت اقول الوو الوو الوو مين رد رد مين معايا وهو قاعد يضحك ومستغرب بيضحك ليه فبعدين بنزل الموبايل من على ودني وببص فيه لقيته ريموت الدش..ينفع كده.

لما كنت في المرحلة الاولى من الثانوية العامة يوم امتحان الكيمياء بابا نزل الصبح ونسي ان عندي امتحان يوميها وقفل عليا باب الشقة بالمفتاح وطبعا انا مفتاحي كان ضايع كالعادة و ساكنة في الدور السابع يعني حتى لو فكرت انط من البلكونة كنت هقع تتكسر رقبتي وبالتالي طبعا هموت...المهم اعمل ايه وفاضل ع الامتحان نص ساعة؟اتصلت بالبوليس...ورحت امتحان الكيمياء وانا في عربية البوكس وجبت فيها 50 من50

الموضوع اني كنت بعاكس بنت ولما بصت لي قلتلها تتجوزيني رد قالت انت بتشتغل ايه ... ؟ رديت .. مهندس .... الكلام اخدنا ... وبعد 3 ايام كنت خطبها .. والفرح تم بعديها باسبوع .

الإثنين	الثلاثاء	الأربعاء	الخميس	الجمعة	السبت	الأحد
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30